नेपालमा विद्युतीय सवारी ल्यान्ड स्केपलाई अझ विस्तार गर्ने क्रममा, एमएडब्लु वृद्धि अटोकर्प गर्वका साथ प्रस्तुत गर्दछ, विश्वव्यापी रूपमा प्रशंसित सेरेस-३ इलेक्ट्रिक एसयूभी।
एमएडब्लु वृद्धि अटोकर्पको बारेमा:
१९६४मा स्थापित, एमएडब्ल्यु ग्रुप नेपालको दोस्रो ठूलो आटोमोटिभ समूह हो, जसले स्कोडा, जीप, जेसीबी, यामाहा, चांगन र फोटोनका ब्राण्डहरूको प्रतिनिधित्व गर्दछ ।
आफ्नो उल्लेखनीय ५९ वर्षको यात्रामा, कम्पनीले १,००० भन्दा बढी कर्मचारीहरूको कार्य बलद्वारा नेपालभर ३५३ भन्दा बढी बिक्री र सर्विसहरूसँग आफ्नो स्थान विस्तार गर्दै आइरहेको छ ।
एमएडब्ल्यु ग्रुपको विशाल अनुभव र प्रतिबद्धताका कारण नेपाली उपभोक्ताहरूले विश्वस्तरीय सवारी साधन र सेवाहरु प्राप्त गर्दै आइरहेक छन् ।
सेरेसको बारेमा:
२०२३को द्रुत गतिमा अघि बढ्दो अटोमोटिभ ब्रान्डको रूपमा विश्वव्यापी रूपमा मान्यता प्राप्त सेरेस विद्युतीय सवारीमा मात्र नभई विश्वको अग्रणी ” टेक्नोलोजी जायन्ट” हुवावेको इलेक्ट्रिक सवारीको लागि निर्माण साझेदारको रूपमा पनि सेवा प्रदान गर्दछ ।
सेरेसले २१ युरोपेली राष्ट्रहरूमा बलियो उपस्थितिको साथ आफुलाई चिनभन्दा बाहिर पनि राम्रो छाप छोड्न सफल भएको छ ।
सेरेसले ७० भन्दा बढी मुलुकमा आफ्नो दमदार उपस्थिति देखाइसकेको छ भने ७१ औं रास्ट्रियको रुपमा नेपालमा प्रवेश गर्ने भएको छ ।
इभीको उपलब्धतालाई सहज र दिगो बनाउने उद्देश्यका साथ अघि बढिरहेको सेरेसले विश्वलाई प्रदुषण मुक्त बनाउने दिर्घकालिन लक्ष्य लिएको छ ।
सेरेस नविनतम प्रव्रिधिको विकास गर्न चीनमा मात्र नभई अमेरिका र जापान लगायत मुलुकमा पनि आफ्नो अत्याधुनिक “रिसर्च एण्ड डेभलपमेन्ट विंग” लाई संचालन गर्दै आएको छ ।
सेरेसको प्रभावशाली लाइन-अपमा सेरेस ५, सेरेस ई-१ , र अब सेरेस-३ पनि समावेश छ ।
सेरेस-३ इलेक्ट्रिक एसयूभीको फिचर्सहरु:
सेरेस-३ विद्युतीय सवारी साधनमा मात्र सिमित नभई लक्जरी, पावर र अन-रोड र अफ-रोड दुवै सडकमा आफ्नो क्षमताको प्रतिनिधित्व गर्दछ ।
पर्फमेन्स: ९९ kw को मोटर पीकपावर र ५२.७ Kwh ब्याट्रीसंग, यसले ४०५ किमी (एनईडीसी) को उल्लेखनीय रेन्ज प्रदान गर्दछ।
सुरक्षा विशेषताहरू: १८ इन्च टाय र साइज र १९० एमएमको ग्राउन्ड क्लियेरंसले स्थिरताको सुनिश्चित गर्दछ ।गाडीले भूगोल र अवस्था हेरेर ह्याण्डलिङको लागि ३ वटा स्टीरिंग मोड प्रदान गरेको छ । साथ साथै इमर्जेन्सी अवस्थाको लागि अतिरिक्त टायरको पनि व्यस्वस्था गरेको छ ।
डिजाइन र कम्फोर्ट: आफ्नो सेग्मेन्टमा सबैभन्दा ठूलो एसयूभीको रूपमा परिचित, सेरेस-३ ले आरामदायिक डबल कुशन सीटहरूका साथ-साथै पर्याप्त हेडरूम र लेगरूम प्रदान गर्दछ ।
टेक फिचर्स: चालक र यात्रु दुवैका लागि इलेक्ट्रिकल्ली एडजस्टेड सिटहरू, HD गुणस्तरको ३६०-डिग्री क्यामेरा, ड्यासक्याम, र एन्ड्रोइड अटो र एप्पल कार प्लेकनेक्टिभिटीका साथ रियल टाइम अफ लाइन जीपीएसले यसलाई थप प्रविधि युक्त गाडी बनाउँछ।
डिस्प्ले: १०.२५ इन्चको जडान गरिएको इन्फोटेंमेन्ट स्क्रीन र ड्राइभर इन्फोटेंमेन्ट सिस्टमले गर्दा प्रयोगकर्ताहरुलाई आरामदायिक र अन्तरक्रियात्मक अनुभव प्रदान गर्दछ ।
नेपालमा सेरेस-३ को लन्च संगै नेपाली ग्राहकहरुले एउटा उत्कृस्ट इलेक्ट्रिक गाडीको अनुभव गर्न पाउने छन्र सेरेस-३ ले युरोप र चीनमा पाएको सफलता नेपाली बजारमा पनि पाउनेमा एमएडब्लु ग्रुप बिस्वस्त छ ।
