काठमाडौँ–६ मा शिशिर खनाल विजयी रास्वपाको चौथो जित

काठमाडौँ – राष्ट्रिय स्वतन्त्रपार्टीले काठमाडौँमा चौथो जित दर्ता गरेको छ। काठमाडौँ क्षेत्र नम्बर ६ मा रास्वपाका शिशिर खनाल विजयी भएका हुन् ।

४३ वर्षका खनालले १४ हजार २०४ मत ल्याएर जित हाँसिल गरेका हुन् । उनले नेकपा एमालेका सर्वेन्द्र खनाल तथा कांग्रेसका भीमसेनदास प्रधानलाई पराजित गरेका हुन् ।

एमालेका खनालले ८ हजार ९११ तथा कांग्रेसका प्रधानले ८ हजार ८०९ मत पाए । यसअघि रास्वपाबाट काठमाडौँ २ मा सोबिता गौतम, काठमाडौँ ७ मा गणेश पराजुली तथा काठमाडौँ ८ मा विराज भक्त श्रेष्ठ विजयी भएका थिए ।