पाल्पा, १० बैशाख
जिल्ला फुटबल संघ पाल्पाले नयाँ नेतृत्व चयन गरेको छ । शुक्रबार तानसेनमा भएको साधारण सभाले प्रणय विरजंग राणाको अध्यक्षतामा नयाँ कार्यसमिति निर्वाचित गरेको हो । राणाले अध्यक्षका प्रत्यासी मनोहर थापालाई पराजित गरेका हुन । राणाले ९ भोट प्राप्त गरे भने थापाले ५ मत प्राप्त गरे ।
यस्तै उपाध्यक्षमा मनोजमान लिगल, प्रज्वल उदय र कृष्ण सारु मगर निर्वाचित भए । सदस्यहरुमा युकि गाहा, दिपेन्द्र खनाल, अनिस श्रेष्ठ, कृष्णबहादुर वाकावल, सुलभ कार्की, सुरज सारु, हरिबहादुर ज्ञवाली, दलबहादुर रास्कोटी, युवराज चिदी, अमृतबहादुर राना र सुजन थापा निर्वाचित भए ।
पाल्पा जिल्लामा पछिल्लो समय फुटबलको गतिविधि अघि बढ्न सकेको थिएन । नयाँ नेतृत्व सङ्गसङ्गै पाल्पाबासीहरुले फुटबलको गतिविधि अगाडि बढ्नेमा आशावादी भएका छन । निर्वाचित भएका प्रणय विरजंग राणा स्पष्टबक्ता, खरो स्वभाव तर लक्ष्य प्रति प्रतिवद्ध हुने ब्यक्ति हुन । कुनै वेला पाल्पाको फूटवलले राष्ट्रिय पहिचान बनाएको इतिहास थियो । हाल त्यो पहिचान बिस्तारै हराउदै गएको थियो ।
अबको नेतृत्वले पुरानो त्यो शाख लाई अझ सवल र सक्षम बनाउने बिश्वास पाल्पालिले लिएका छन । लुम्बिनी प्रदेशको खेल हबको रुपमा पाल्पा उदय हुन सकोस । नेतृत्व प्रती शुभकामना ।
