विराटनगर महानगरपालिकामा नेपाली कांग्रेसका मेयरका उम्मेदवार नागेश कोइरालाले अग्रतालाई कायम राखेका छन्।
सोमबार बिहानसम्म गठबन्धन तर्फका मेयर उम्मेदवार कोइरालाले ४ हजार २ सय ७० मत पाएका हुन् । उनको निकतटम प्रतिस्पर्धी नेकपा एमालेका उम्मेदवार सागर थापा हाल १ हजार १ सय ९४ मतले पछि रहेका छन् ।
थापाले अहिलेसम्म ३ हजार ७६ मत पाएका छन् ।
त्यसैगरि, स्वतन्त्रतर्फ उमेश यादवले १ हजार ३ सय ८५ पाएका छन् ।
उपमेयरतर्फ नेकपा एमालेकी शिल्पा निराला कार्कीले ३ हजार ५ सय २६ मत ल्याउँदा उनको निकतटम प्रतिद्वन्द्वी जसपाका अमरेन्द्र यादवले २ हजार ३ सय ५५ मत पाएकाछन्। माओवादीकी पूर्व महानगर सचिव हाल स्वतन्त्रबाट उम्मेदवारी दिएकी नमिता न्यौपानेले ७ सय ६४ मत ल्याएकी छिन्।
यता महानगरपालिकामा नेकपा एमालेले विजयी सुरुआत गरेको छ। वडा नम्बर १९ मा एमालेका उम्मेदवार श्याम घिमिरेले ९ सय ८७ मत ल्याएर विजयी भएका हुन्।
उनको प्रतिस्पर्धी नेपाली कांग्रेसका उदय राजवंशीले ९ सय ५ मत पाएकाछन्। उनी घिमिरे भन्दा ८२ मतको अन्तरले पराजित भएका हुन्। वडा नम्बर १९ मा २ हजार ९ सय ६४ मत खसेको थियो।
