काठमाडौं । मेडिकल कलेजको शुल्क विवादबारे छलफल गर्न शिक्षामन्त्री देवेन्द्र पौडेलले सर्वपक्षीय बैठक बोलाएका छन् ।
मेडिकल कलेजहरुले विद्यार्थीबाट तोकिएको भन्दा धेरै शुल्क लिएको भन्दै विद्यार्थीहरु आन्दोलित छन् ।मन्त्री पौडेलका प्रेस संयोजक बिमल खड्काका अनुसार भोलि बिहान ११ बजे सर्व पक्षीय बैठक बोलाएका हुन् ।बैठकमा कलेज संचालक, विद्यार्थी, विश्वविद्यालयका पदाधिकारी, चिकित्सा शिक्षा आयोगका पदाधिकारी र अभिभावकलाई बोलाइएको छ ।
विराटनगरको नोवेल मेडिकल कलेज, काठमाडौंको काठमाडौं मोडेल कलेज र पोखराको मणिपाल कलेजमा विद्यार्थीले महंगो शुल्कविरुद्ध रिले अनसन गरिरहेका छन् ।यसविरुद्ध सत्तारुढ गठबन्धन सम्वद्ध विद्यार्थी संगठन पनि आन्दोलित छन् ।शुल्क विवादबारे अनुगमन गर्न शिक्षा मन्त्री पौडेल केहीदिनअघि काडमाडौं मेडिकल कलेजमा अनुमगन गर्न पुगेका थिए ।
Comments
