काठमाडौं । सिद्धार्थ इन्स्योरेन्स कम्पनीले लाभांश घोषणा गरेको छ । कम्पनीको माघ १८ गते मंगलबार अपरान्ह साढे ४ बजे बसेको सञ्चालक समितिको बैठकले चुक्ता पूँजीको १५ प्रतिशत बोनश शेयर र बोनस शेयरमा लाग्ने कर प्रयोजनका लागि ०.७८९ प्रतिशत नगद लाभांश दिने निर्णय गरेको हो ।
कम्पनीको हालको चुक्ता पूँजी एक अर्ब १२ करोड रुपैयाँको १५ प्रतिशत अर्थात १६ करोड ८० लाख रुपैयाँको बोनश शेयर वितरण गर्ने प्रस्ताव गरेको हो । प्रस्तावित लाभांश बीमा समितिबाट स्वीकृत भए पछि साधारणसभामा पेश गर्न सक्ने छ । साधारणसभाले पारित गरेपछि बल्ल शेयरधनीहरुले प्राप्त गर्न सक्ने छन् ।
कम्पनीले अघिल्लो वर्षकै लाभांश दरलाई निरन्तरता दिएको छ । प्रस्तावित बोनश शेयर वितरण पछि कम्पनीको चुक्ता पूँजी एक अर्ब २८ करोड रुपैयाँ नाघ्ने छ ।
Comments
