पाल्पा, १५ जेठ ।
निरन्तर तीन दिन देखिको बर्षाले अवरुद्ध भएको सिद्धार्थ राजमार्गको तानसेन – बुटवल सडक खण्ड एकतर्फी खुलेको छ । सडकको विभिन्न स्थानमा खसेको पहिरोले बाटो अबरुद्ध भएको थियो । तिनाउ गाउँपालिका ३ सिसुवामा ढुङगा सहितको ठुलो पहिरो गएको थियो भने सडकको गौंडे, बर्तुङ, दोभान, झुम्सा लगायतको क्षेत्रका सानसाना पहिरो खसेका थिए । 
सिसुवा क्षेत्रमामा खसेको पहिरो बिहानदेखिको निरन्तर प्रयास पछि हटाइएको सडक डिभिजन कार्यालय पाल्पाका इन्जिनियर सिबु खत्रीले जानकारी दिनुभयो । सडक सुचारु भए संगै रोकिएका सवारीसाधन सूचारु भएको जिल्ला ट्राफिक प्रहरी कार्यालय पाल्पाका निमित्त प्रमुख अर्जुन सुवेदीले जानकारी दिनुभयो ।
बर्षा वा अन्य समय जहिलेपनी जोखिममा रहेको सडकमा यात्रा गर्दा बिशेष ख्याल गरेर यात्रा गर्न निमित्त प्रमुख सुवेदीले आग्रह गर्नुभएको छ । यो क्षेत्रमा अहिले बर्षा रोकिएको छ ।
