१० जेठ, काठमाडौं । इटालियन सिरी ए च्याम्पियन बनिसकेको इन्टर मिलानले सिजनको अन्तिम खेलमा उडिनेसेलाई ५–१ ले पराजितगरेको छ ।
आइतबार घरेलु मैदानमा भएको खेलमा इन्टरलाई जिताउन एस्ले योङ, क्रिस्टियन एरिक्सन,लाउटरो मार्टिनेज, इभान पेरिसिच र रोमेलुलुकाकुले गोल गरे । उडीनेजेका रोबर्टो पेरेराले एक गोल फर्काए ।
अन्तिम खेलमा शानदार जितपछि इन्टरले ११ वर्षपछि सिरी ए ट्रफी उचालेको छ । इन्टरले सन् २०१० मा पछिल्लो पटक सिरी ए जितेकोथियो ।
इन्टरले यस सिजन ३८ खेलबाट ९१ अंक जोड्यो । इन्टर मिलानसँगै दोस्रो स्थानको एटलान्टाले अर्को सिजन च्याम्पियन्स लिगमा स्थानपक्का गरिसकेको छ । तर एसी मिलान साविक विजेता युभेन्ट्स र नापोली च्याम्पियन्स लिगको बाँकी दुई स्थानका लागि होडमा छ ।
आजै राति मिलानले अन्तिम खेलमा एटलान्टासँग खेल्नेछ भने नापोलीले हेलास भेरोना र युभेन्ट्स बोलोग्नासँग खेल्नेछ ।
