पाल्पा । कोरोना संक्रमणको दर दैनिक रुपमा बढ्दै छ । ६१ जनाको पिसिआर परीक्षण गर्दा थप ३० जनामा कोरोना संक्रमण पुष्टि भएको भएको छ । स्वास्थ्य कार्यालय पाल्पाले दिएको जानकारी अनुसार
थपिएका मध्ये २२ पुरुष तथा ८ जना महिला रहेका छन ।
स्वास्थ्य कार्यालय पाल्पाका सूचना अधिकारी ओमप्रकाश पन्थीका अनुसार थपिएका मध्ये तानसेन तथा अस्पतालका ४ महिला र ६ पुरुष, माथागढीका ७ पुरुष र ४ महिला, रैनादेवी छहराका ४ पुरुष, बगनासकाली गाउँपालिकाका २ पुरुष तथा निस्दी, पूर्वखोला र रिब्दीकोट गाउँपालिकाका १/१ जना पुरुषहरु रहेका छन् । यो संगै जिल्लामा २ हजार १ सय २९ जनामा संक्रमण पुष्टि भएको छ । जस मध्ये ३८ जनाले ज्यान गुमाएका छन भने १ सय २२ जना सकृय संक्रमित रहेका छन । अन्य संक्रमीत भने निको भएका छन ।
संक्रमणको दर दैनिक रूपमा बढेपनी स्वास्थ्यका न्युनतम मापदण्ड पालना गरिएको छैन । जसका कारण समुदायमा त्रास बढेको छ ।
