स्याङ्जा । नेपाली कांग्रेस स्याङजाले शहिदचोकमा राष्ट्रपतिको पुत्ला दहन गरेको छ । संसद विघटन र मध्यावधि निर्वाचनचको घोषणाको विरोध गर्दै राष्ट्रपतिको पुत्ला दहन गरेको हो ।
स्याङ्जा काङ्ग्रेसका कार्यबाहक सभापति बुद्धि बहादुर राना (कुमार) ले सम्मानित राष्ट्रपतिले संस्थालाई स्वार्थपूण कब्जामा लिई नेपाली जनताको रगत र पसिनाले सिंचित संघीय लोकतान्त्रिक गणतन्त्र नेपालको राज्य व्यवस्थालाई सर्बसत्ताबादको पराकाष्टमा पुगेर संविधानमाथि धावा बोल्दै गरिएको संसद विघतन र कथित मध्यावधि निर्वाचनको अवैधानिक घोषणाको घोर भत्र्सना गरिएको बताए । पार्टी कार्यालयबाट शुरु भएको मौन जुलुस चोकमा आएर कोण सभामा परिणत भई राष्ट्रपतिको पुत्ला दहन गरेको थियो ।
पुत्ला दहन कार्यक्रममा बोल्दै सत्ता स्वार्थमा लिप्त के.पि शर्मा ओलीको सरकारले राष्ट्रिय राजनैतिक मानमर्यादा समेतको धज्जी उडाउदै स्थापित राज्य संचालनका मुल्य मान्यतालाई बेसरम रुपमा नजर अन्दाज गरेको आरोप रानाले लगाए । जुलुसमा संघीय लोकतान्त्रिक गणतन्त्र जिन्दावाद, सर्वसत्ताबाद मूर्दावाद, संसद विघटनको असंवैधानिक कदम मूर्दावाद लेखिएको प्लेकार्डको प्रयोग गरिएको थियो । दर्जनबढी कार्यकताहरुको उपस्थितीमा राष्ट्रपतिको पुत्ला दहन गरिएको थियो भने पुत्ला दहन भए लगत्तै प्रहरीले पुत्ला निभाएको थियो । नेपाली जनतालाई बलिदान र संघर्षबाट प्राप्त राजनैतिक उपलब्धिको रक्षाका खाँतिर दृढता पूर्वक अगाडि बढ्न स्याङ्जा काङ्ग्रेसले अनुरोध गरेको छ ।
