काठमाडौं । दुई पेनाल्टी मिस गरेपनि अतिरिक्त समयमा गरेको दुई गोल मद्दतमा तेस्रो श्रेणीको कोर्नेलालाई पराजित गर्दै बार्सिलोनास्पानिस कोपा डेल रे फुटबलको अन्तिम १६ मा प्रवेश गरेको छ ।नियमित कप्तान लिओनल मेसीविना नै खेलेको बार्सिलोनाका लागि ओसमान डेम्बेले र मार्टिन ब्रेथवेइटलेले अतिरिक्त समयमा गोल गरे।
यस्तै खेलमा मिरालेम प्यानिच र डेम्बेलेले पेनाल्टी मिस गरेका थिए । कोर्नेलाका गोलकिपर रामोन जुयानले दुवै पेनाल्टी रोके । उनीबार्सिलोनाको दुई पेनाल्टी एकै खेलमा रोक्ने पहिलो गोलकिपर समेत बने ।
निर्धारित ९० मिनेटको खेल बराबरी भएपछि थप गरिएको ३० मिनेटको अतिरिक्त समयमा दुई गोल भयो । ९२औं मिनेटमा डेम्बेलेले र१२०औं मिनेटमा ब्रेथवेइटेले गोल गरे । दुवैलाई पेड्रीले असिस्ट गरेका थिए ।
११८औं मिनेटमा कोर्नेलाका अल्बर्ट एस्टेल्स रातो कार्ड पाउँदै मैदान बाहिरिएका थिए ।
यस्तै इबिजाविरुद्ध २–१ को पुनरागमन जितसहित एथ्लेटिक बिल्बाओ पनि अन्तिम १६ मा प्रवेश गरेको छ ।
