वर्तमान सरकारलाई अविश्वास गरिरहनुपर्ने कुनै कारण छैनः प्रधानमन्त्री

२०७८, २७ बैशाख सोमबार १६:१४

प्रतिनिधिसभा बैठकमा विश्वासको मतसम्बन्धी प्रस्ताव पेश गर्दै प्रधानमन्त्री केपी शर्मा ओलीले वर्तमान सरकारलाई कसैले अविश्वास गरिरहनु पर्ने कुनै कारण नै नरहेको बताउनुभएको छ । प्रधानमन्त्रीले प्रतिनिधि सभाको विशेष वैठकमा सम्वोधन गर्दै सरकारमाथि विश्वास गर्नु नपर्ने कुनै कारण नरहेको वताउनुभएको हो ।

समस्यालाई समाधान गरेर अघि बढ्ने सन्दर्भमा सार्वभौम जनताको प्रतिनिधित्व गरेर उभिएका, सार्वभौम जनताको भावना र हितहरुको प्रतिनिधित्व गरेका जनप्रतिनिधिले सत्यलाई पछ्याएर निर्णय गर्नुपर्ने प्रधानमन्त्रीको भनाई थियो । सत्यलाई पछ्याउने हो भने यो सरकार कुनै हिसाबले विश्वास गर्नु नपर्ने सरकार हुँदै होइन,’ उनले भन्दै, ‘भौगोलिक अखण्डताको रक्षा गर्ने, राष्ट्रिय हितलाई सर्वोपरी मानेर व्यवहार गर्ने सन्दर्भमा वर्तमान सरकारले कुनै पनि कसर नराखेको कुरा तस्बिर आफै बोल्छ भनेजस्तै छ । सवैपक्षको सहमति गर्न संविधान संशोधनका लागी छलफल गर्न सकिने प्रधानमन्त्रीले बताउनुभएको छ । प्रतिनिधि सभाको वैठक जारी रहेको छ ।

Comments

ताजा खबर