नेपाल तथा विश्वभरको कोविड्-१९ को आंकडा

नेपाल

  • परीक्षण संख्या
  • संक्रमित संख्या
  • मृतक संख्या
  • निको भएको

विश्व

  • संक्रमित संख्या
  • मृतक संख्या
  • निको भएको
  • संक्रमित भएको देश

बजार अनुगमनमा तिब्रता, रोट बनाउने ध्यूकाे गुणस्तर जाँच्न नमुना संकलन

२०७७, १८ फाल्गुन मंगलवार १५:२४

पाल्पा, १८ फागुन ।
ठुला चाडबाडको बेला मात्र औपचारिकता निभाउन गर्ने बजार अनुगमन, अहिले भने तिब्रता पाएको छ । घरेलु तथा साना उधाेग कार्यालय पाल्पाले छोटो छोटो समयमा बजार अनुगमन गर्दा उपभोक्ता ठगिने क्रम पनि घटेको छ । मंगलबार रिब्दीकाेट गाउँपालिकाकाे भैरवस्थानमा बजारमा बजारको अनुगमन गरिएकाे छ । घरेलु तथा साना उधाेग कार्यालय पाल्पाकाे आयाेजना र रिब्दीकाेट गाउँपालिकाकाे समन्वयमा बजारको अनुगमन भएको हो ।

भैरबस्थान बजार अनुगमनमा २३ वटा पसलहरूमा बस्तुहरूकाे उपभाेग्य मिति, मूल्य सुचि, खरिद बिकृिकाे बिल, साइन बाेड, सम्बन्धित निकायमा दर्ता भए नभएकाे अनुगमन गरिएकाे घरेलु तथा साना उधाेग कार्यालय पाल्पाका उद्योग अधिकृत देबिराम भण्डारीले जानकारी दिनुभयो ।

अनुगमनका क्रममा भैरवनाथ मन्दिरमा प्रसादको रुपमा चढाउले राेट बनाउन प्रयाेग हुने ध्यूकाे गुणस्तर जाँचकाे लागि दुईवटा पसलबाट नमुना संकलन गरेको छ । राेट बन्दै गरेकाे ध्यूकाे नमुना खाध प्रविधि तथा गुण नियन्त्रण कार्यालय भैरहवाले जाँच गरी अावश्यक प्रक्रिया अगाडि बढाइने भण्डारीले बताउनुभयो ।
अनुगमन टोलीले म्याद नाघेका केही खाद्य सामान बरामद गरी नस्ट समेत गरेको छ । गुज्रिएका खाद्य तथा पेय पदार्थसमेत बिक्रीको अनुगमन गरेको थियो ।
रिब्दिकोट गाउँपालिका की उपाध्यक्ष लक्ष्मी खनालकाे नेतृत्वमा बजार अनुगमन गरिएकाे थियो ।
जिल्ला प्रसासन कार्यालय, खाद्य अनुगमन तथा गुण नियन्त्रण कार्यालय, रिब्दीकाेट गाउँपालिका, पाल्पा उधाेग वाणिज्य संघ, उपभोक्ता हित संरक्षण मञ्च, पाल्पा व्यापार संघका प्रतिनिधिहरू र हार्थाेक प्रहरी चाैकीका सुरक्षा कर्मीहरूकाे सहभागिता रहेकाे थियाे ।
पछिल्लो समय बजार अनुगमनले तिब्रता पाए सङ्गै पाल्पाको तानसेन लगाएत ग्रामीण क्षेत्रमा उपभोक्ताहरु ठगिने क्रम घटेको छ । अनुगमम कार्यलाई निरन्तरता दिन आवस्यक छ ।

Comments

ताजा खबर

    सम्बन्धित शीर्षकहरु