नेपाल नालन्दाको वार्षिकोत्सव सम्पन्न

२०७७, ७ फाल्गुन शुक्रबार १६:३४

नारायण प्रसाद कोइराला, सिद्धार्थनगर, ७ फागुन  । भैरहवामा अवस्थित नेपाल नालन्दा आवासीय माध्यमिक विद्यालयको वार्षिकोत्वस तथा अभिभावक दिवस २०७७ सम्पन्न भएको छ । विद्यालयको आफ्नै भवनमा विद्यालयका प्राचार्य कमल कोइरालाको अध्यक्षता, विद्यालय सञ्चालक तथा प्रबन्ध निर्देशक युवराज पाण्डेको प्रमुख आतिथ्यता र प्राज्ञिक विद्यार्थी परिषद नेपालका केन्द्रिय सदस्य अनुराग पाण्डेको विशिष्ट आतिथ्यतामा सम्पन्न भएको थियो । कोभिड १९ को महामारिका विच विद्यालयले केहि अभिभावक र विद्यार्थीहरुका विच कार्यक्रम गरेको थियो । कोभिड १९ को डर र त्रासबाट उन्मुक्तको लागि यस प्रकारको मनोरञ्जनात्मक, सृजतात्मक कार्यक्रमले धेरै सहयोग पुर्‍याउने कुरामा आफु विश्वस्त रहेको कुरा प्राचार्य कोइरालाले बताए । विद्यालय भित्रका विभिन्न शैक्षिक गतिविधि र खेलकुदमा विजयी हुने विद्यार्थीहरुलाई पुरस्कारको समेत व्यवस्था गरिएको थियो भने विद्यार्थीहरुले विभिन्न मनोरञ्जनात्मक साँस्कृतिक कार्यक्रम समेत प्रस्तुत गरेका थिए । कार्यक्रममा बोल्दै प्रमुख अतिथि पाण्डेले विद्यार्थीहरुलाई विभिन्न प्रसंगहरु संग जोडेर उत्कृष्ट कार्य गर्नको लागि प्रोत्सहान गराएका थिए भने विद्यार्थीको ज्ञान शिल र एकता भएमा राष्ट्रको विकाश हुनेकुरामा विशिष्ट अतिथि अनुराग पाण्डेले जोड दिएका थिए । कार्यक्रममा स्वागत मन्तब्य विद्यालयका शिक्षक नारायणप्रसाद कोइराल र कार्यक्रम सञ्चालन सह–प्राचार्य युवराज पाण्डेले गरेका थिए ।

Comments

ताजा खबर

    सम्बन्धित शीर्षकहरु