१८ बैशाख, रुपन्देही । काेराना विरुद्ध देश र बिश्व जुधिरहेको छ । कोरोनाको कारण लकडाउनले देश र सबै खालको पेशा व्यवसाय प्रभावित भएको छ ।संकटको यो घडिमा विभिन्न संघ सस्थाले आफ्नो स्थानबाट मानविय धर्म निभाईरहेका छन । यसै बिच नेपाली ईन्जिनियरहरुको छाता सस्था नेपाल ईन्जिनियर्स एसोसिएसन (नेईए) प्रदेश न ५ ले प्रदेश सरकारलाई विभिन्न स्वास्थ्य सामाग्री हस्तान्तरण गरेको छ ।
बुधबार नेईए प्रदेश न ५ कार्यकारिणीका अध्यक्ष ई. कुशुमराज ज्ञवाली नेतृत्वको एक प्रतिनिधि मण्डलले मुख्यमन्त्री माननिय शंकर पोख्रेललाई सामाग्री हस्तान्तरण गरेको हो । सामाजिक उत्तरदायित्व वहन गर्दै ५० थान पिपिई र २००० थान मास्क हस्तान्तरण गरिएको नेईए प्रदेश कार्यकारिणी कोषाध्यक्ष ई. अमित खनालले जानकारी दिएका छन । उनका अनुसार आन्तरिक श्रोतबाट सामाग्री खरिद गरि एकद्वार प्रणाली अनुसार आवश्यक स्थानमा प्रयोग गर्न सहज हुने हेतुले सामाग्री प्रदान गरिएको जानकारी दिएका छन ।
ईन्जिनियरहरुको संस्थाद्वारा अटाेमेटिक सानेटाईजिङ्ग टनेल र नगदरकम हस्तान्तरण प्रतिनिधि मण्डलमा कार्यकारिणी समितिका सचिव ई. विश्वरन्जन मिश्र, काेषाध्यक्ष ई.अमित खनाल, सदस्यहरु ई. महेश्वर लम्साल र ई. अरुण खनालकाे उपस्थिति रहेकाे थियाे । यसअघि ५ नम्बर प्रदेशका प्रादेशिक अस्पताल हरुलाई इन्जिनियरहरुको संस्थाले अटाेमेटिक सानेटाईजिङ्ग टनेल, तथा कोरोना रोकथाम र उपचारमा सहयोगी सामग्री निर्माता महावीर पुनको राष्ट्रिय आविस्कार केद्रलाई नगद रकम हस्तान्तरण गरेको थियो ।
