काठमाडौं : प्रधानमन्त्री केपी शर्मा ओलीले सत्तारुढ दल भित्रैबाट काम गर्न अवरोध भएपछि ताजा जनादेशका लागि संसद विघटनगरिएको बताएका छन्।
२०७४ सालको निर्वाचनमा राजनीतिक स्थायित्वको जनादेश पाएको नेपाल कम्युनिष्ट पार्टीले जनभावना विपरित काम गर्न नदिइएकोबताउँदै उनले सरकार संचालन गतिरोध उत्पन्न गराइएको बताए।
सरकारको सिफारिसमा राष्ट्रपति विद्यादेवी भण्डारीले आइतबार प्रतिनिधि सभा विघटन गरेपछि ओलीले सम्बोधन गर्दै सरकारविरुद्धघेराबन्दी गरिएको बताए।
‘जननिर्वाचित सरकारलाई असहयोग र घेराबन्दी गरियो। जनता समक्ष प्रस्तुत हुने निष्कर्ष सहित संसद विघटन गरियो‘ उनले भने।
पुष्पकमल दाहाल प्रचण्ड र माधवकुमार नेपाल पक्षलाई लक्षित गर्दै ओलीले ती नेताहरुले आफ्नो राजनीतिक चरित्र हत्या गर्ने प्रयासगरेको आरोप लगाए। साथै उनले नेताहरुले पार्टी कार्यालयको दुरुपयोग गर्ने, संसद अधिवेश बोलाउन हस्ताक्षर संकलन गर्ने, महाअभियोग लगाउने काम गरेकोले पनि वर्तमान परिस्थिति सिर्जना भएको बताए।
‘अप्रत्याशित र आकस्मिक देखिए पनि यसको कारण धेरै अघिदेखि नै हो। केही नेताहरुको जनअपेक्षा विरुद्ध कदमका कारण लामोसमयदेखि नै विवाद थियो।‘ उनले भने, ‘सरकारलाई काम गर्न दिइएन। बार्गेनिङ गर्ने राष्ट्रिय राजनीतिलाई अलझाउने काम भयो। त्यसैलेवैशाखमा नयाँ निर्वाचन गर्ने निर्णय गरियो।
प्रतिपक्षभन्दा सत्तापक्ष कै नेताहरुका कारण अहिलेको परिस्थिति सिर्जना भएको ओलीले संसदलाई केही नेताहरुको स्वार्थ केन्द्र बन्ननदिने ओलीले आफूले संसद विघटन गर्ने निर्णय गरेको बताए।
सरकार गठनको एक वर्ष नबित्तदै देशबाहिर गएर आफ्नै पार्टीको नेताले मुलुक डुब्न लाग्यो भनेर अस्थिरता उब्जाउने काम गरेको भन्दैउनले राज्य संचालनमा बार्गेनिङ खोजिएको बताए।
दुई अध्यक्ष बीच पार्टी र सरकार एकएक जनाले संचालन गर्ने सहमति भएको र आफूले सरकारको काममा ध्यान दिँदा प्रचण्डले पार्टीसंचालन गर्न नसकेको उनले बताए।
