फिक्कल गाउँपालिकाले उद्यान निर्माण गरेको छ । गाउँपालिका–५ सोल्पाठानामा ‘उद्धव स्मृति उद्यान’ निर्माण गरिएको हो । साविकसोल्पाठना गाउँ विकास समितिमा २०५४ सालमा निर्वाचित अध्यक्ष उद्धव खड्काका सम्झनामा उद्यान निर्माण गरिएको गाउँपालिकाउपाध्यक्ष पार्वती सुनुवारले जानकारी दिनुभयो । उपचारका क्रममा कार्यकालमा नै उहाँको निधन भएको थियो ।
गाउँपालिकाको रु १९ लाख ५० हजार र सङ्घीय सांसद कोषको रु १४ लाख गरी कूल ३३ लाख ५० हजारमा उद्यान निर्माण गरिएको हो। उद्यानमा पोखरी, छतसहितको प्रतीक्षालय, मञ्च, चिनियाँ दुबोको बगैँचा तथा चौतारा छन् ।
गाउँपालिकामा आउने पर्यटकका लागि अवलोकनस्थल पनि निर्माण भएको छ । यसबाट राजनीतिमा लागेका व्यक्तिलाई असलकाममा लाग्न प्रेरणा मिल्ने उहाँले बताउनुभयो । विसं २०२८ वैशाख २८ गते जन्मनुभएका खड्काको २०५८ साल वैशाख ११ गतेउपचारका क्रममा भारतको यम्स अस्पतालमा निधन भएको थियो । तत्कालीन गाविस अध्यक्ष खड्कालाई विकासप्रेमी र दूरदर्शीनेताका रुपमा स्थानीयवासीले चिन्ने गरेका छन् । विसं २०५४ मा निर्वाचित भएपछि खड्काले यस क्षेत्रमा मोटर बाटो र बिजुली बत्तील्याउने गरेको सङ्कल्प आज पूरा भएको स्थानीयवासीको भनाइ छ ।
