रोग लागेर दुवै खुट्टा गुमाएका सिन्धुपाल्चोकका निमा लामा मुखैमा आएको बडादशैँमा परिवारको छाक कसरी टार्ने भन्ने चिन्तामाहुनुहुन्थ्यो । केही युवाले राहत ल्याइदिने खबर सुनाएपछि खुशीले दुई दिनदेखि उहाँलाई निद्रा परेको थिएन ।
आज राहत लिने दिन भएकाले उहाँ काठमाडौँको चुच्चेपाटीमा अपराह्न २ बज्नुअघि नै ह्वीलचियर गुडाउँदै आइपुग्नुभयो । उहाँलाई नेपालप्रहरीको एउटा समूहले एक पोका राहत उपलब्ध गरायो । त्यसमा थियो १० किलो चामल, आधा लिटर तेल, एकएक किलाको दरमादाल, चना, नुन र मसला तथा साबुन । राहत पाउँदा उहाँको मुहारमा खुशीको चमक देखियो । “थोरै नै भए पनि सहयोग दिनु ठूलो हो, (अन्यलाई औँल्याउँदै) यतिका धेरै मानिसलाई राहत दिइएको छ, खुशी नै छु”, लामाले भन्नुभयो ।
काठमाडौँमा बसेको निकै वर्ष भए पनि कोरोनाकालमा बेहोरेको सकस उहाँलाई कहिल्यै नमेटिने छाप बनेको छ । कठिनाइ अझैहटिसकेको छैन । उहाँ कुनै बेला खाना वितरण गरेका ठाउँमा पुगेर भात खानुहुन्छ, कतै राहत दिएको चाल पाए त्यहीँ पुग्नुहुन्छ । दैनिकीयसैगरी बितिरहेका बेला निकैपछि घटस्थापनाको दिन आज एक पोका राहत पाउँदा उहाँ निकै खुशी हुनुभयो ।
लामासँगै सेतो लौरो टेकेर धेरै न्यूनदृष्टियुक्तहरु चाबहिल जोरपाटी सडकपेटीमा लामबद्ध हुनुहुन्थ्यो । लस्करै बसेका उनीहरुका अगाडिनेपाल प्रहरीले राहतका पोका राखिदियो । छामछुम गर्दै सबैले आआफ्नो पोका सम्हाल्नुभयो । आपसमा कानेखुशी गर्दै एक जनालेभन्नुभयो, “राहत त थोरैथोरै पो छ ।” “थोरैै भए पनि दिएको छ, चित्त बुझाऊ न”, अर्काबाट जवाफ आयो ।
न्यूनदृष्टियुक्त अमर ओलीले दशैँका मुखमा राहत पाएकामा खुशी व्यक्त गर्नुभयो । “खै कुन संस्थाले दियो थाहा भएन, तपाईँ पत्रकारहुनुहुँदो रहेछ, त्यो संस्थालाई धन्यवाद सुनाइदिनू”, उहाँले भन्नुभयो । सुर्खेतका ओलीको विसं २०६० मा दुवै आँखा बन्द भएको थियो ।शल्यक्रियापछि एउटा आँखाले घुर्मैलो देख्न थाल्दा केही खुशी थपियो । अहिले विस्तारै त्यही आँखो कमजोर हुँदै जाँदा उहाँ चिन्तितहुनुहुन्छ । ओली सडकमा दैनिक गीत गाएर परिवारको गुजारा चलाउनुहुन्छ । कोरोनाकालमा गीत गाउन पनि गाह्रो भइरहेको उहाँसुनाउनुहुन्छ । पाँच महिनाको कोठाभाडासमेत तिर्न नसकेको अनुभव उहाँसँग छ । त्यो ऋण अझै तिर्न सकिएको छैन । उहाँ आज प्राप्तखाद्य सहयोगले दशैँका मुखमा केही राहत मिलेको बताउनुहुन्छ ।
उहाँसँगै राहत प्राप्त गर्नुभएका अर्का न्यूनदृष्टियुक्त दिवस विष्टले केही दिनलाई छाक टार्न समस्या नपर्ने बताउनुभयो । उहाँ पनि सडकमागीत गाएरै परिवार पाल्ने गर्नुहुन्छ । समयमै आँखाको उपचार नहुँदा दृष्टि गुमाउनुभएका जुम्लाका विष्ट एकार्कामा सूचना प्राप्त भएकालेराहत लिन नारायणटारबाट चुच्चेपाटी आएको बताउनुहुन्छ । उहाँ भन्नुहुन्छ, “गोकर्णेश्वर नगरपालिकाले पाँच किलो चामल दिएकोथियो, अहिले १० किलो पाउनु ठूलो राहत हो ।” यसअघि बन्दाबन्दीका समयमा वितरण भएको राहत पाउनुपर्ने व्यक्तिले भने नपाएकोगुनासो उहाँको छ ।
नेपालीको महान् चाड शुरु भएको पहिलो दिन आज झण्डै १०० असख्क्त अपाङ्ग र दृष्टिविहिनले राहत पाएका छन् । ठुलो राहत नभएपनि सम्झेकोमा उनीहरु खुसी छन् ।
उक्त राहत विभिन्न बैँकसँगको सहकार्यमा महानगरीय प्रहरी कार्यालय काठमाडौँका प्रमुख प्रहरी नायब महानिरीक्षक विश्वराजपोखरेलका पहलमा वितरण गरिएको हो । “हामीकहाँ राहत चाहियो, दशैँमा भोकभोकै हुने भयौँ भनेर धेरै अनुरोध आयो”, पोखरेललेरासससँग भन्नुभयो, “त्यसैले इच्छुक बैंकसँगको सहकार्यमा विपन्न परिवारलाई राहत पु¥याएका हौँ ।”
दशैंका मुखमा ५०० विपन्न र अशक्त परिवारलाई राहत दिने योजना रहेको उहाँले जानकारी दिनुभयो । आज पहिलो दिन चुच्चेपाटी रबौद्धका १०० जनालाई राहत उपलब्ध गराइएको छ । राहत लिन आउनेमा न्यूनदृष्टियुक्त, अशक्त, असहाय र अपाङ्गता भएका व्यक्तिथिए । प्रहरीले आफैँ बौद्धसम्म पुगेर राहत वितरण गरेको महानगरीय प्रहरी कार्यालयका प्रहरी उपरीक्षक रेवती ढकालले जानकारीदिनुभयो । उहाँकै नेतृत्वमा स्थानीय युवाको सहयोगमा राहत पुर्याइएको थियो ।
स्थानीय युवा र प्रहरीले नामावली सङ्कलन गरेर छाक टार्न धौधौ भएका अशक्त र अपाङ्गता भएकाहरुको पहिचान गरी दशैँराहत दिइएको हो । आगामी केही दिन विभिन्न ठाउँमा पुगेर पहिचान भएका त्यस्ता ५०० जनालाई राहत उपलब्ध गराउने योजना रहेकोपोखरेलले सुनाउनुभयो ।
यसअघि पोखरेलकै नेतृत्वमा बन्दाबन्दीका समयमा झण्डै छ हजार परिवारलाई यसैगरी राहत उपलब्ध गराइएको थियो । खानेअन्नसमेत नभएर भोकभोकै बस्न बाध्य भएको भनी गुनासो आउन थालेपछि बन्दाबन्दीका समयमा राहत बाँडिएको उहाँले जानकारीदिनुभयो ।
