पाल्पा । पाल्पा जिल्लाकाे रम्भा गाउँपालिका –५ ताहुँको सेर्काबासबाट अवैध रुपमा ल्याईँदै गरेको साल जातको काठ जिल्ला प्रहरी कार्यालयकाे टाेलीले नियन्त्रणमा लिएको छ ।
हेक्लाङबाट सेर्काबासतर्फ आउँदै गरेको लु ३ त ३२७० नम्बरको ट्याक्टरमा चेकजाँचको क्रममा अवैध काठ भेटिएपछि काठसहित चालक स्याङ्जा जिल्ला कालीगण्डकी गाउँपालिका –२ लसर्घाका २८ वर्षका टंक बहादुर दमाईलाई नियन्त्रणमा लिईएको जिल्ला प्रहरी कार्यालय पाल्पाका सूचना अधिकारी मदन गिरीले जानकारी दिनुभयो ।प्रहरी चौकी ताहुँबाट प्रहरी सहायक निरीक्षक शिव कुमार यादवको कमाण्डमा मंगलबार साँझ गएको गस्ती टोलिले अवैध साल जातको काठ थान २४ गुलिया (३९.४२ क्यूफिट) फेला पारेको हो ।ट्याक्टर चालक र वरामद काठ आवश्यक कारवाहीको लागि डिभिजन वन कार्यालय, पाल्पामा बुझाईएको प्रहरीले जनाएको छ ।
Comments
