पाल्पा । मुख्यमन्त्री ग्रामिण विकास कार्यक्रम अन्र्तगत तिनाउ गाउपालिका पाल्पाले विद्यालय छोड्ने दर घटाउन विद्यार्थीहरुलाई शैक्षिकसामाग्रीहरु र विद्यालय पोषाक वितरण गरेको छ । सोमबार तिनाउँ गाउँपालिकाको वडा नं. १ कचलका २ विद्यालयहरुमा शैक्षिकसामाग्रीहरु र विद्यालय पोषाक वितरण गरिएको थियो ।
तिनाउ गाउँपालिका पाल्पाका अध्यक्ष ओम बहादुर घर्तीमगरले गरिवीका कारण विद्यालय छोड्ने दरलाई घटाउन मुख्यमन्त्री ग्रामिणविकास कार्यक्रमको सहयोगमा गाउपालिकाले शैक्षिक सामाग्री र विद्यालय पोषाक वितरण गरिएको जानकारी दिनुभयो । “विपन्नपरिवारका व्यक्तिको शिक्षा, स्वास्थ्य, रोजगारी, प्रविधि हस्तान्तरण, सीप विकास, आयआर्जनमा सामाजिक संरक्षण मार्फत जीवनस्तरउकास्न विद्यार्थीहरुलाई शैक्षिक सामाग्री, पोषाक, दिवा खाजा र अभिभावकलाई स्वास्थ्य वीमा गरिएको छ ।”
गाउँपालिका अध्यक्ष घर्तीमगरले भन्नुभयो, “विद्यालय भर्ना नभएका वालवालिकाहरुलाई विद्यालय सम्म पुर्याउन र विद्यालय गएका वालवालिकाहरुलाईविद्यालयमा टिकाउन सहयोग गरेका छौं ।”
वडा नं. १ कचलको झिंगामारा र ठूलीउदाङका सिद्ध आधारभूत विद्यालय र सरस्वती आधारभूत विद्यालय सहित वडा नं. १ र ६ का ४ सयविद्यार्थीहरुलाई शैक्षिक सामाग्री तथा १ सय ८० जना विद्यार्थीहरुलाई पोषाक वितरण गरिएको मुख्यमन्त्री ग्रामिण विकास कार्यक्रमकीसहजकर्ता गीता कुमारी भट्राईले जानकारी दिनुभयो । तिनाउ गाउँपालिका शिक्षा शाखा प्रमुख लक्ष्मी कुँवरले शिक्षामा सहयोग र टेवापुर्याउदै रोजगारी सृजन ागर्न समेत कार्यक्रम फलदायी रहेको बताउनुभयो । तिनाउ १ कचलका वडा सदस्य अमर तरामु मगरले १ सयविद्यार्थीका अभिभावकको स्वास्थ्य वीमाले गरिवी निवारणमा टेवा पुर्याएको बताउनुभयो ।
