नेपाल तथा विश्वभरको कोविड्-१९ को आंकडा

नेपाल

  • परीक्षण संख्या
  • संक्रमित संख्या
  • मृतक संख्या
  • निको भएको

विश्व

  • संक्रमित संख्या
  • मृतक संख्या
  • निको भएको
  • संक्रमित भएको देश

२०७७, १ आश्विन बिहीबार ०४:३७

काठमाडौं ।  विभिन्न नियुक्ति र संविधान दिवसमा प्रदान गरिने विभुषणको टुंगो लगाउन आज (बिहीबार) मन्त्रिपरिषद्को बैठक बस्दैछ ।

                         फाईल फोटो

प्रधानमन्त्री केपी शर्मा ओलीको आह्वानमा मध्यान्ह १२ बजे बैठक बस्न लागेको हो । प्रधानमन्त्री निवास बालुवाटारमा बस्ने बैठकमा विभुषण प्राप्त गर्ने व्यक्तिहरूको नाम सिफारिस गर्ने बताइएको छ।

संविधान दिवसका दिन विभिन्न क्षेत्रका व्यक्तिहरूलाई विभुषण प्रदान गरिने भएकाले उक्त विभुषणका विषयमा बैठकमा निर्णय हुने एक मन्त्रीले जानकारी दिए।

उपप्रधानमन्त्री एवम् रक्षामन्त्री इश्वर पोखरेलको संयोजकत्वको विभुषण सिफारिस समितिको प्रस्तावमा मन्त्रिपरिषद्ले मानपदवीको निर्णय गर्छ।

यस्तै आजको बैठकमा राजनीतिक नियुक्तिका विषयमा पनि छलफल हुनसक्ने स्रोतले बताएको छ । नेपाल विद्युत प्राधिकरणको कार्यकारी निर्देशकका विषयमा उर्जामन्त्री वर्षमान पुनले लगेको प्रस्तावमा छलफल हुनेछ।

स्रोतका अनुसार उर्जामन्त्री पुनले कुलमान घिसिङलाई नै आगामी ४ वर्ष पुनः नियुक्ति गर्ने गरि प्रस्ताव लगेका छन् ।

सोमबारको मन्त्रिपरिषद् बैठकमा मन्त्री पुनले घिसिङलाई पुनः प्राधिकरणको कार्यकारी निर्देशकमा नियुक्तिका लागि प्रस्ताव पेश गरेको उनका सचिवालयले जनाएको छ।

उक्त प्रस्ताव प्रधानमन्त्री तथा मन्त्रिपरिषद कार्यालयमा विचाराधीन अवस्थामा रहेको छ । सो प्रस्तावमाथि पनि आजको बैठकमा छलफल हुनेछ ।

Comments

ताजा खबर

    सम्बन्धित शीर्षकहरु