नेपाल तथा विश्वभरको कोविड्-१९ को आंकडा

नेपाल

  • परीक्षण संख्या
  • संक्रमित संख्या
  • मृतक संख्या
  • निको भएको

विश्व

  • संक्रमित संख्या
  • मृतक संख्या
  • निको भएको
  • संक्रमित भएको देश

संक्रमण नियन्त्रणका लागी सवारीसाधनमा जोर-बिजोर प्रणाली

२०७७, २१ श्रावण बुधबार २१:५९

पाल्पा । कोरोना संक्रमण तिब्रगतिमा बढ्दै गएपछी जोखिम न्यूनीकरणका लागि भन्दै सरकारले यातायातका साधन सञ्चालनमा फेरि जोरबिजोर प्रणाली लागू गर्ने गृहमन्त्रालय द्वारा प्रकाशित  बिज्ञप्तीमा उल्लेख छ ।
मन्त्रिपरिषद्को सोमबार बसेको बैठकले बिहीबारदेखि २०० भन्दा बढी सक्रिय संक्रमीत भएका जिल्लामा जोरबिजोर प्रणाली लागू हुने निर्णय गरेको हो ।

सांकेतिक तस्बिर : सधैंजसो भिडभाड देखिने सिद्धार्थ राजमार्गको बर्तुङ्ग – आर्यभन्ज्याङ्ग सडक, कोरोना संक्रमणका कारण शुन्य छ ।

यस सङ्गै अत्यावश्यक सेवा बाहेकका सबैप्रकारका सवारीसाधन जोर बिजोर प्रणालीबाट सन्चालन हुनेछन । लामो लकडाउनपछि गत जेठ २८ गतेको बैठकले एक जिल्लाभित्र मात्रै चल्न पाउने गरी निजी सवारीसाधन जोर–बिजोरका आधारमा सञ्चालन गर्न दिने निर्णय गरेको थियो । त्यसको झण्डै एक महिनापछि सरकारले असार अन्तिम साता छोटो दुरीका सार्वजनिक सवारी साधन चल्न दिने निर्णय गरेको थियो ।

सरकारले आम नागरिकमा परेको मनोवैज्ञानिक त्रास कम गर्न साउन ९ गते मध्यरातदेखि लागू हुनेगरी लकडाउन खुला गरेको बताएको थियो । सरकारको निर्णयपछि पनि व्यवसायीले विभिन्न माग राखेर यातायात सञ्चालन गर्न मानेका थिएनन् तर पछी व्यवसायीका माग सम्बोधन गर्न सरकार तयार भएपछि साउन ८ देखि यातायातका साधन सञ्चालनमा आएका थिए । यद्यपी लामो दूरीका सवारीसाधन अझै सञ्चालनमा आइसकेको छैन ।
सरकारले लकडाउन खोलेर अवस्थालाई सामान्यीकरण गर्न खोजिरहेकाे बेला संक्रमितको संख्या बढ्न थालेसँगै फेरि यातायातमा जोरबिजोर प्रणाली लागू गर्ने निर्णय भएको हो । यस्तै संक्रमण न्यूनीकरणका लागि पुनः लकडाउन गर्नुपर्ने आवाज समेत उठेको छ । मंगलबार प्रधानमन्त्रीले विज्ञहरुसँग गरेको छलफलमा १५ दिन कडाखालको लकडाउन गर्न सुझाव आएको थियो ।

Comments

ताजा खबर