बादविवाद र समस्या साम्य पार्नका लागि महानायक राजेश हमालले मध्यरातमा एक भिडियो सार्वजनिक गर्दै निर्देशक दीपाश्री निरौलालाई माफि दिन सबैमा अनुरोध गरेका छन् ।
अहिले विभिन्न अवस्थाले देश गुग्रिरहेको अवस्थामा आरोप पत्यारोपमा लाग्नु भन्दा पनि सकारात्मक हिसावले अगाडी बढ्नुपर्ने बताएका छन् । हमालले सबैलाई आग्रह गर्दै भने, ‘यो राष्ट्रको कला क्षेत्रकाे लागि, भएपनि मानवताका हिसाबले सकारात्मक भएर सम्बन्धित व्यक्तिलाई माफि दिनुहोला’ ।
हालै म जस्तै कलाकारले मलाई लक्षित गरेर केहि भनाइहरु र केहि कुराहरु राख्नुभयो । त्यो भनाई र कुराहरु सुनिसकेपछि दर्शकहरुले तथा जनसमुदायहरुले असन्तुष्टि मात्र नभएर आक्रोश पनि पोख्नुभयो र पोखिरहनुभएको छ । यो २,३ हप्ता अगाडिबाट भइरहेकाे छ ।
आफु फिल्मक्षेत्रमै रहदै आएकाे र आफुमाथि सहकर्मीले राखेकाे धारणााप्रति दर्शकहरुले सुनिसकेपछि ठाडो प्रतिक्रियाहरु आइरहेका छन । एउटा व्यक्तिले पेशागत हिसाबले होस् या कुनै विशेष रुचीले लक्षित भएर किन नहोस्, कुनै अभिव्यक्ति सार्वजनिक स्थलमा राख्नुहुन्छ भने एक्कासी झट्ट प्रतिक्रिया दिँदा सम्बन्धित व्यक्तिको मानवतामा आँच आउने, आघात पुग्ने र चोट लाग्ने कार्य गर्नु सहि नहुने तर्क राखेका छन ।
उनले दर्शक र कलाकार नङ र मासुको सम्बन्ध रहेको बताए । दर्शकहरुलाई अनुराेध गर्दै अली फराकिलो सकारात्मक हिसाबबाट मानवताको लागि कसैको आँच नपुग्ने गरि अभिव्यक्ति नदिन अनुराेधसमेत गरेका छन ।
यसक्षेत्र हाम्राे मात्र नभइ दर्शकको पनि हो । कलाकार मैदानमा उत्रन्छाै र मिहिनेत गर्छौ । तर, यसको पछाडि उर्जा दर्शकबाटै प्राप्त हुने भएकाले कलाको लागि सकारात्मक भएर सम्बन्धित व्यतिलाई क्षमा दिन आग्रह गरेका छन् ।
