नेपाल तथा विश्वभरको कोविड्-१९ को आंकडा

नेपाल

  • परीक्षण संख्या
  • संक्रमित संख्या
  • मृतक संख्या
  • निको भएको

विश्व

  • संक्रमित संख्या
  • मृतक संख्या
  • निको भएको
  • संक्रमित भएको देश

साउन ७ सम्म थपियो लकडाउन, अत्यावश्यक काम बाहेक बाहिर ननिस्कन आग्रह

२०७७, १६ असार मंगलवार ०९:०४

काठमाडौ । सोमबार बसेको मन्त्रिपरिषद बैठकले हाल कायम रहेको लकडाउनको अवधि साउन ७ गतेसम्म थप गर्ने निर्णय गरेको छ । प्रधानमन्त्री निवास बालुवाटारमा बसेको बैठकले अहिलेकै अवस्थाको लकडाउनलाई निरन्तरता दिने निर्णय गरेको हो । कोरोना संक्रमणको दर बढ्दै गएकाले स्वास्थ्य सतर्कता अपनाउन जरुरत रहेकाले यथास्थितिको लकडाउनलाई लम्ब्याइएको हो । मन्त्रिपरिषद स्रोतका अनुसार निश्चित ठाउँकाे जाेखिम अनुसार स्थानीय र प्रदेश सरकारले नै लकडाउन खुकुलो र कडा पार्न सक्ने छन । यसअघि असार १ देखि लागू हुनेगरी सरकारले लकडाउनलाई खुकुलो बनाएको थियाे । जसअनुसार निजी सवारीसाधन जोर विजोर प्रणालीबाट सञ्चालन भइरहेका छन् भने सार्वजनिक सवारीसाधन तथा उद्दारबाहेकका हवाई उडान बन्द छन् । सीमित बजार र पसलहरु सञ्चालन भए पनि भीडभाड हुने सिनेमा हल, सपिङ मल, शैलुन, पार्लर, विद्यालयजस्ता क्षेत्रहरु बन्द अवस्थामा छन् । कोरोनाभाइरसका कारण गत चैत ११ गतेदेखि लागू हुनेगरी लकडाउन घोषणा गरिएको थियो । लकडाउनलाई क्रमिक रुपमा खुकुलो बनाउँदै जानेगरी यसअघि सरकारले विभिन्न चरणका योजनाहरु सार्वजनिक गरेको थियो। तर दैनिक रुपमा कोरोनाका संक्रमित बढ्दै गएपछि पहिलो चरणमा लकडाउन खुकुलो बनाउन २१ दिनसम्म कायम राख्ने भनिएको हाल कायम रहेको लकडाउन अवधि लम्बिने भएको हो ।
दैनिक रुपमा कोरोना संक्रमण बढ्दै गइरहेको र ठुला शहरी क्षेत्रमा समुदायमा संक्रमण फैलिन सक्ने जोखीम बढेको हुँदा स्वास्थ्य मन्त्रालयले अत्यावश्यक काम बाहेक घरबाट बाहिर ननिस्कन सर्बसाधारण लाई आग्रह गरेको छ । फाइल तस्बिर

Comments

ताजा खबर