सबै कार्यालयहरु बिहान ८ बजेदेखि साँझ ६ बजेसम्म खुल्ने

२०७७, २९ जेष्ठ बिहीबार १९:०१

काठमाडौं । सरकारी कार्यालय अब बिहान ८ बजेदेखि बेलुकी ६ बजेसम्म खुल्ने भएको छ ।

कार्यालयहरु २ सिफ्ट गरि सञ्चालन गर्ने निर्णय गरेको सरकारका प्रवक्ता, अर्थ तथा सञ्चार तथा सूचना प्रविधिमन्त्री डा. युवराज खतिवडाले जानकारी दिए ।

मन्त्रिपरिषद्को बुधबार रातिसम्म बसेको बैठकले सबै सरकारी तथा गैरसरकारी संस्था, शिक्षण संस्था (पठनपाठन कार्य बाहेक), निजी तथा सार्वजनिक संस्थाहरु समेतका कार्यालयहरु २ सिफ्टमा सञ्चालन गर्ने निर्णय गरेको सरकारका प्रवक्ता खतिवडाको भनाई छ । पहिलो सिफ्ट बिहान ८ बजेदेखि दिउँसो १ बजेसम्म चल्नेछ भने अर्को सिफ्ट दिउँसो १ बजेदेखि बेलुकी ६ बजेसम्म चल्नेछ । यो निर्णयले आर्थिक वर्षको अन्त्यमा हुने कामको चाप र कोरोना भाइरस रोकथामको व्यवस्थापन गर्न सहयोग पुग्ने समेत उनको भनाई रहेको छ ।

Comments

ताजा खबर