नेपाल तथा विश्वभरको कोविड्-१९ को आंकडा

नेपाल

  • परीक्षण संख्या
  • संक्रमित संख्या
  • मृतक संख्या
  • निको भएको

विश्व

  • संक्रमित संख्या
  • मृतक संख्या
  • निको भएको
  • संक्रमित भएको देश

देशका ४६ जिल्लामा फैलियो कोरोना कुल संक्रमितको संख्या ७ सय ७२ पुग्यो

२०७७, १३ जेष्ठ मंगलवार २१:४०

पाल्पा । बिश्वभरी महामारीको रुपमा फैलिएको कोरोना भाइरस नेपालका आधाभन्दा धेरै जिल्लामा फैलिएको छ । मंगलबार थप ९० जना नयाँ कोरोना संक्रमित थपिए संगै देशभरका ४६ जिल्लामा फैलिएको पुष्टि भएको छ । यो सँगै नेपालमा संक्रमितको संख्या ७ सय ७२ पुगेको छ ।


स्वास्थ्य तथा जनसंख्या मन्त्रालयका अनुसार देशका विभिन्न प्रयोगशालामा भएको परीक्षणमा ९० जनाको रिपोर्ट पोजेटिभ आएको हो । मङलबार संक्रमण पुष्टि भएका मध्ये २ वर्षिया बालिका समेत रहेकी छन ।
देशभरीका क्वारेन्टाइनमा अहिलेसम्मकै उच्च संख्यामा रहेका छन् । मंगलबार देशभरीका विभिन्न क्वारेन्टाइनमा ५५ हजार बढी छन् । मन्त्रालयका प्रवक्ता देवकोटाका अनुसार प्रदेश नम्बर १ मा १ हजार ७ सय ५८, प्रदेश नम्बर २ मा १० हजार ५ सय ३५, बागमती प्रदेशमा ९ सय ६४ र गण्डकी प्रदेशमा १ हजार ५ सय १३ जना क्वारेन्टाइनमा रहेका छन् । यस्तै प्रदेश नम्बर ५ मा २३ हजार ५ सय ८९, कर्णाली प्रदेशमा ५ हजार २ सय ६६ र सुदूरपश्चिम प्रदेशमा ११ हजार ६ सय ५७ गरी देशभरी ५५ हजार २ सय ८२ जना क्वारेन्टाइनमा रहेका छन् । अहिलेसम्म १ सय ५५ जना कोरोना संक्रमित उपचारपछि निको भएर घर फर्किएका छन् ।
भारतमा लकडाउन खुकुलो भएसङ्गै स्वदेश फर्किनेको संख्या ह्वात्तै बढेको छ । सिमानाका क्षेत्रहरूबाट सयौंको संख्यामा दैनिक रुपमा स्वदेश फर्कीरहेका छन । भारतबाट फर्किनेहरु बाट संक्रमणको उच्च जोखिम रहेको छ ।

Comments

ताजा खबर