नेपाल तथा विश्वभरको कोविड्-१९ को आंकडा

नेपाल

  • परीक्षण संख्या
  • संक्रमित संख्या
  • मृतक संख्या
  • निको भएको

विश्व

  • संक्रमित संख्या
  • मृतक संख्या
  • निको भएको
  • संक्रमित भएको देश

श्रीनगर यातायातद्वारा तानसेन नगरपालिकाको कोरोना राहत कोषमा १ लाख ५१ हजार हस्तान्तरण

२०७७, ८ बैशाख सोमबार १९:००

८ बैसाख, पाल्पा । तानसेन नगरपालिका पाल्पाले स्थापना गरेको कोरोना भाइरस संक्रमण नियन्त्रण तथा उपचार कोषमा श्रीनगर यातायात सेवा कम्पनी प्रा.लि. ले सहयोग रकम हस्तान्तरण गरेको छ । सोमबार तानसेन नगरपालिकाका नगर प्रमुख अशोक कुमार शाहीलाई चेक मार्फत १ लाख ५१ हजार रुपैयाँ हस्तान्तरण गरेको श्रीनगर यातायात सेवा कम्पनी प्रा.लि. का अध्यक्ष डिल बहादुर ढुङ्गानाले जानकारी दिनुभयो । सार्वजनिक यातायातको क्षेत्रमा भएका अनेक कठिनाइका लाई पन्छाउदै बिश्वब्यापी रुपमा फैलिएको कोरोना भाइरस नियन्त्रणका लागी सहयोग पुगोस भनेर अति बिपन्न परिवार तथा दैनिक ज्यालामजदुरी गरि खाने परिवारलाई राहत बितरण गर्नका लागी तानसेन नगरपालिकाको कोरोना राहात कोषमा रकम हस्तान्तरण गरेको अध्यक्ष ढुङ्गानाले बताउनुभयो । सामाजिक उत्तरदायित्व पुरा गर्दै नाफा भन्दापनि सहयोग र समाजसेवाको रुपमा कम्पनीलाई चिनाउन पाउदा सन्तुष्टि मिलेको कम्पनीले जनाएको छ । पाल्पाको तानसेनमा प्रधान कार्यालय रहेको कम्पनीले पाल्पाका सबै ग्रामीण क्षेत्र तथा छिमेकी जिल्लाहरुमा सार्बजनिक यातायात संचालन गर्दै आएको छ । कोरोना भाइरसको जोखिम बढिरहेको अवस्थामा श्रीनगर यातायात सेवा कम्पनीले गरेको सहयोगको उच्च प्रसंशा गर्दै नगरप्रमुख अशोक कुमार शाहीले धन्यवाद सहित आभार ब्यक्त गर्नुभयो ।

सोमबार नै बर्तुङ्ग बहुउद्देश्यीय सहकारी संस्था र बर्तुङ्ग खानेपानी उपभोक्ता समितीले तानसेन नगरपलिकाको राहत कोषमा दुबै संस्थाले ११ हजार १ सय ११ रुपैयाँ हस्तान्तरण गरेको अध्यक्ष बिधान प्रसाद श्रेष्ठले जानकारी दिनुभयो । संघसस्थाहरुले गरेको महत्त्वपूर्ण सहयोग प्रती सर्वसाधारणको तर्फ बाट सामाजिक संजालमा प्रसंशा गरिएको छ ।

Comments

ताजा खबर