भबिन्द्र गौतम, २२ चैत्र पाल्पा
नेपालभित्र पहिलो पटक कोरोना भाइरस एक व्यक्तिबाट अर्को व्यक्तिमा सरेको छ । स्वास्थ तथा जनसन्ख्या मन्त्रालयको आधिकारिक फेसबुक पेजमा दिइएको जानकारीअनुसार धनगढीमा तीनैजना कोरोना संक्रमीत भेटिएको हो । योसँगै पहिलो पटक नेपालभित्रै एकबाट अर्को व्यक्तिमा कोरोना संक्रमण भएको पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार भारतको मुम्बईबाट फर्किएका कैलालीका २१ वर्षीय पुरूष र उत्तराखण्डबाट फर्किएका कञ्चनपुरका अर्का ४१ वर्षीय पुरूषलाई पनि कोरोना भाइरस पुष्टि भएको छ। कैलालीमा यसअघि दुबईबाट फर्किएका एक जना पुरूषमा कोरोना भाइरस देखिएको थियो भने शनिबार उनकी आफन्त एक जना ३४ वर्षीया महिलामा पनि कोरोना भाइरस पुष्टि भएको छ। ती महिला संक्रमित युवककी भाउजु भएको बुझिएको छ । कौलाली मा बिदेशबाट आएका ब्यक्तीबाट संक्रमण सरेसङै पहिलोपटक एक ब्यक्ती बाट अर्को ब्यक्तिमा कोरोना फैलिएको छ ।
