पाल्पा । आइतबार पहिलो पटक तिन जनामा कोरोना संक्रमण पुष्टि भएको पाल्पामा सोमबार २ जना थपिएका छन । उनीहरु निस्दी गाउँपालिकाका हुन । प्रदेश जनस्वास्थ्य प्रयोगशाला भैरहवामा गरिएको परिक्षणबाट उनिहरुमा संक्रमण पुष्टि भएको हो । उनिहरु संगै पाल्पामा कोरोना संक्रमण हुनेको संख्या ५ पुगेको छ ।
सोमबार पुष्टि भएकाहरु निस्दी गाउपालिकका १७ र ३६ वर्षका पुरुष भएको स्वास्थ्य कार्यालय पाल्पाका निमित्त प्रमुख विश्वनाथ न्यौपानेले जानकारी दिनुभयो । न्यौपानेका अनुसार उनिहरु दुबैजना गत हप्ता हप्ता भारत बाट पाल्पा भित्रिएका हुन ।
संक्रमण देखिएकाहरुको थप उपचारका लागी सदरमुकाम तानसेनमा रहेको आईसोलेसनमा ल्याउने तयारी भईरहेको छ । उनिहरुको सम्पर्कमा रहेकाहरुको समेत कन्ट्रयाक ट्रेसिङ्ग गरी खोजी शुरु गरिएको छ ।
यस अघि रैनादेवी छहराका ३८ र ४० वर्षका पुरुष र माथागढी गाउँपालिका १८ वर्षका पुरुषमा संक्रमण पुष्टि भएको थियो । उनिहरु सदरमुकाम तानसेनको आइसोलेसन अस्पतालमा उपचाररत रहेका छन ।
