नेपाल तथा विश्वभरको कोविड्-१९ को आंकडा

नेपाल

  • परीक्षण संख्या
  • संक्रमित संख्या
  • मृतक संख्या
  • निको भएको

विश्व

  • संक्रमित संख्या
  • मृतक संख्या
  • निको भएको
  • संक्रमित भएको देश

यातायात समितिहरु कम्पनि मा रुपान्तरण हुनैपर्ने

२०७६, ५ बैशाख बिहीबार ०८:२६

 

काठमाडौँ, ५ वैशाख, सनराइजजेएन,

प्रधानमन्त्री तथा मन्त्रीपरिषद्को कार्यालयले यातायात समितिलाई कम्पनीमा लैजान गर्नुपर्ने सहजीकरणका लागि यातायात व्यवस्था विभागका महानिर्देशक कुमारप्रसाद दाहालको संयोजकत्वमा सात सदस्यीय समिति गठन गरेको छ । सरकारले तीन महिनाभित्र देशभरका सबै समितिलाई कम्पनीमा जान निर्देशन दिएसँगै प्रधानमन्त्री तथा मन्त्रीपरिषद्को कार्यालयले आवश्यक सहजीकरणका लागि महानिर्देशक दाहालको संयोजकत्वमा सात सदस्यीय समिति गठन गरेको हो । समितिको सदस्यमा कम्पनी रजिष्ट्रार कार्यालयका रजिष्ट्रार, गृह मन्त्रालयका प्रतिनिधी, भौतिक पूर्वाधार तथा यातायात मन्त्रालयका प्रतिनिधी, नेपाल यातायात व्यवसायी राष्ट्रिय महासङ्घका अध्यक्ष योगेन्द्रनाथ कर्माचार्य, महासचिव सरोज सिटौला र उपमहासचिव बसन्त भण्डारी रहनुभएको छ । समितिले यातायात सेवा प्रदायक कम्पनीहरु दर्ता भई सञ्चालनमा ल्याउँदा गर्नुपर्ने सुविधा र समन्वयका विषयमा अध्ययन गरी १५ दिनभित्र राय सुझाव सहितको प्रतिवेदन पेश गर्नुपर्नेछ । यसैबीच, उक्त समितिको पहिलो बैठक आज यातायात व्यवस्था विभागमा बसेको छ । विभागका महानिर्देशक दाहालको संयोजकत्वमा बसेको बैठकले ऐन, कानुनलाई हेरेर सहज ढङ्गले समितिमा भएका सवारी साधनलाई कम्पनीमा लैजाने बारेमा प्रारम्भिक छलफल भएको समितिका सदस्य सरोज सिटौलाले जानकारी दिनुभयो ।

Comments

ताजा खबर