भबिन्द्र गौतम, पोखरा, ६ असार
निर्जिवन बिमा ब्यवसायमा उत्कृस्ट बन्न सफल प्रुडेन्सियल इन्स्योरेन्स कम्पनी लिमिटेडले आज १६ औं वार्षिकोत्सव मनाएको छ । वार्षिकोत्सवको अवसरमा शाखा कार्यालयले पोखराले गरिब तथा विपन्न वर्गका पचास भन्दा बढी परिवारलाई लत्ता कपडा र खाद्यान्न वितरण गरेको छ । कास्कीको लेखनाथस्थित पैतेडाँडामा रहेका गरिब तथा विपन्न परिवारलाई सहयोग गरेको हो । 
पैतेडाँडा मा रहेको टोल विकास समिति संगको सहकार्यमा कम्पनीका पश्चिमाञ्चल क्षेत्रीय प्रबन्धक राजेश श्रेष्ठ र पैतेडाँडा टोल विकास समिति अध्यक्ष लक्ष्मी परियारले झुल सहित खाद्यान्न वितरण गरेका हुन् । खाद्यान्न तथा लत्ता कपडा सहयोग लिएर इन्स्योरेन्सका प्रतिनिधि गाउँमा पुग्दा गाउलेहरु हर्सित थिय । अधिकांश दलित वस्ती रहेको पैतेडाडाका स्थानीय बासिन्दाहरुले गाउँमै आएर गरेको सो सहयोगप्रति अध्यक्ष परियारले आभार प्रकट गर्दै आगामी समयमा पनि सहयोगको अपेक्षा गरिन ।
कार्यक्रममा कम्पनीका क्षेत्रीय प्रबन्धक राजेश श्रेष्ठले कम्पनिको सामाजिक उत्तरदायित्व अन्तर्गत स्थापना दिवसको अवसर पारेर सहयोग गर्न पाउदा निकै नै हर्सित भयको बताय । यसै अवसरमा बिमा र जोखिम बारे जानकारी गराउदै बिमा के हो र किन गरिन्छ भन्ने चेतना मुलक जानकारी दिन आवश्यक रहेको बताय । वितरण समारोहमा कम्पनीका प्रवीण गिरी, बाबुराम अधिकारी, पत्रकार ऋषिराम दाहाल, विजय नेपाल,अमृत सुबेदी र कृष्ण रानाभाट लगायत उपस्थित थिए । वीरगञ्जमा रजिष्टर्ड कार्यलय रहि काठमाडौंमा प्रधान कार्यालय रहेको सो कम्पनीले देशभर ४१ शाखा कार्यालय मार्फत सेवा दियको छ ।
