नेपाल तथा विश्वभरको कोविड्-१९ को आंकडा

नेपाल

  • परीक्षण संख्या
  • संक्रमित संख्या
  • मृतक संख्या
  • निको भएको

विश्व

  • संक्रमित संख्या
  • मृतक संख्या
  • निको भएको
  • संक्रमित भएको देश

हिन्दू जागरण नेपालको रुपन्देही जिल्ला मा नगर समिति गठन

१९ श्रावण २०७५, शनिबार २०:०६

रुपन्देही , श्रावण १९ नारायण कोइराला :- धर्म परिर्वतन मुक्त नेपाल, जातिय छुवाछुत मुक्त नेपाल र सनातन हिन्दू अधिराज्य नेपाल भन्ने मुल मन्त्रलाई आत्मसाथ गर्दै आएको हिन्दू जागरण नेपालले देशका विभिन्न जिल्ला र स्थानिय तहमा आफ्नो संगठनलाई विस्तार गर्ने कार्य अनुरुप आज रुपन्देही जिल्ला सिद्धार्थनगर नगरपालिकामा माधवि शर्मा वाग्लेको अध्यक्षतामा १७ सदस्यीय कार्यसमिति र तिन सदस्यीय सल्लाहकार समिति गठन भएको छ ।

जसको उपाध्यक्षमा राधा नेपाल, सचिवमा भिमा खनाल कोषाध्यक्षमा रामप्रसाद काफ्ले, सहसचिवमा उमकान्त चापागाई रहेका छन् भने सदस्यहरुमा केशव अधिकारी, मोहनलाल भट्राई, नारायण नेपाल, रुद्र बहादुर पछाई, विष्णुमायाँ भुषाल, इन्दिरा के.सी. सुनिता सिलवाल, शिला क्षेत्री, कृष्ण शाही, मधु जि.सी., गंगा पाण्डे क्षेत्री, निर्मला ठकुरी रहेका छन् । समिति सल्लाहकारको रुपमा बरिष्ट समाजसेवी श्री भिमलाल अधिकारी, बरिष्ट समाजसेवी डि.आर. शर्मा वाग्ले र पुर्व मन्त्रि प्रकाश चित्रकार रहेका छन् ।

कार्यक्रम जिल्ला शाखाका अध्यक्ष उमा ढकालको अध्यक्षतामा र गोब्रति योगी सोमराज जी महाराजको प्रमुख आतिथ्यता रहेको थियो । बृहत धार्मिक सत्संग कार्यक्रमका प्रमुख बक्क्त योगी सोमराज जी महाराजले हिन्दू धर्म सतानतदेखि चलिआएको प्रकृति पुजकको रुपमा रहेको विश्वको सबै भन्दा बैज्ञानिक र पुरानो धर्म समेत रहेको कुरा बताउनु भएको थियो ।

सत्संग कार्यक्रम पछि राधे परिवार सिद्धार्थनगरको तर्फबाट सुमधुर धार्मिक भजनको आयोजना समेत गरिएको थियो । कार्यक्रममा हिन्दू जागरण नेपालका केन्द्रिय संगठन विभाव प्रमुख हरिशरण पाण्डे, केन्द्रिय लेखा संयोजक पुर्णप्रसाद पौडेल, जिल्ला शाखाका पदाधिकारी लगायत सदस्यहरुको समेत उपस्थिति रहेको थियो । कार्यक्रमको सञ्चालक हिन्दू जागरण नेपालका केन्द्रिय सदस्य नारायणप्रसाद कोइरालाले गरेको थिए ।

Comments

ताजा खबर