एमालेका वरिष्ठ नेता एवंका छन् । काठमाडौं क्षेत्र नम्बर २ मा घरदैलोको अन्तिम दिन पूर्वप्रधानमन्त्री नेपालले अनलाइनखबरसँग भने- ‘ममा प्रधानमन्त्री बन्ने रहर छैन, देश बनाउने भोक छ । देश बनाउनका लागि को योग्य छन्, को सक्षम छन्, कसलाई विश्वास गर्न सकिन्छ भन्ने कुरा गठवन्धनले तय गर्ने हो । त्यसैका लागि हुरुक्क, हिरिक्क हुनुपर्ने, मरिहत्ते गर्ने स्वाभाव छैन मेरो ।’
चुनावी प्रचारको मैझारो हुनै लागेका बेलामा हामीले एमाले नेता नेपाललाई काठमाडौं २ मा थुप्रो छन् थुप्रो । मेरो पहलमा बाटाघाटा बनेका छन् । स्कुलका भवन, स्वास्थ्य चौकी निर्माण भएका छन् । पोलिटेक्निक इन्स्टिच्युट निर्माण भएको छ । भूकम्पका बेला म गाउँ-गाउँ घुमेको छु । टोल-टोल, बस्ती-बस्ती पुगेको छु । हजारौं कार्यकर्ता परिचालन गरेर जनतालाई राहत उपलब्ध गराइएको छ । भत्किएको घर सफा गर्ने काममा मैले भूमिका खेलेको छु । घर निर्माण गरेर भूकम्पपीडतका हातमा उपलब्ध गराउने काममा मेरो भूमिका छ ।
सिन्धुपाल्चोक जाने बाटो मेरै प्रयत्नबाट पिच भयो । अहिलेसम्म त्यो बाटो अत्यन्तै राम्रो छ । अरु बाटोको निर्माण मेरै प्रयत्नमा भएको छ ।सरकार कांग्रेसको हुँदा पनि म आफैं गएर ज्ञापनपत्र बुझाएर जनप्रतिनिधिको हैसियतमा नै काम गरेको छु । यहाँका जनताको प्रतिनिधि भएर ज्ञापनपत्र पढेर सुनाउने, दबाव दिने, योजना आयोगबाट कार्यक्रम स्वीकृत गराउने, मन्त्रालयबाट रकम विनियोजन गर्न लगाउने गर्दै आएको छु । त्यो रकमका आधारमा कहीँ खानेपानीको व्यवस्था भएको छ, कुनै ठाउँमा टेलिफोनको टावरको व्यवस्था भएको छ, कुनै ठाउँमा बिजुलीका पोल गाडिएका छन्, बिजुलीका तारहरु जोडिएका छन्, कहीँ पार्कहरु बनेका छन्, कहीँ अपांगता भएकाहरुको निम्ति अस्पताल बनाउने पहल भएको छ । यी सबै कामहरुमा मेरो भूमिका छ ।
